قارا گونئی

نئچه ایل آراشدیرمالاریم نتیجه سینده ساوا بؤلگه سینده بعضی شعرلره راس گلمیشم کی شاعیرینین باره سینده بیلگیمیز یوخدور و یا آزدیر. بو شاعیرلردن بیریسی آلماس آدلی بیریسیدیر کی بیر شعرینی اوخوجولارا تقدیم ائلیرم. عزیز اوخوجولاردان ریجا اولونور بو شاعیره گؤره بیلگیلری وارسا بیز له پایلاشسینلار. آرتیرمالییام کی قوزئی آذربایجانلی بیر شاعیرین آدی آلماس ایلدیریم دیر کی او بو آلماس دان فرقلی دیر.

آلماسین شعری:

هر کيمسه کي علم ايچينده بحث ائدر

عشق ايچينده بحر بازيسه گلسين

مخمس مسدس نشو  مسلسل

مربعده عشق بازيسه گلسين

هر کيم بو ميدانه گيرميش ازلدن

اوخوموشسا هزار شعر و غزلدن

تصنف آيه سينده شکر دوٍزلدن( شاید بو بندی دوز اوخویابیلمه میشم)

هر کيمسه کي صاحب سؤزيسه گلسين

تجنيس تصنيف قافياده زياده

دئمک اولماز نه آشنايه نه ياده

بدو آياغيندان گلمز پياده

هر کيمسه کي بدو تازيسه گلسين

نئچه مين قافيه­م نئچه مين دو بيت

سينه­مده ازبردي داخي جکمم قيد

دوقسان مين تجنيسيم تمامي شاه­بيت

هر کيم بيلير بولار آزيسه گلسين

الماس دئيير شعر ايچينده نادرم

خاطر جمم اؤز سؤزيمه قادرم

معرفت دشتينده آت اويناديرم

بئش نه­دي اون نه­دي يوٍزيسه گلسين