تهران بؤلگه سینین یئرلی اوزانی; آشیق غیاث جباری دونیاسینی دگیشدی
ایکی گوندور ایستانبولدان دؤنموشم. اوردا بیر کره اینترنته گئدهبیلدیم. آنجاق نئچه دانا بوردا باغلی اولان سایتلارا ایمتحان ایچین باغلاندیم و تکجه ایمیللریمی چک ائتدیم. بو گون سایتلاری و وبلاگلاری آرارکن ساوانین ارشاد ادارهسی و آشیق گونش سایتلاریندا بیر سئویندیریجی خبر گؤروب اونو قاراگونئیده یاییدیم. خبر بو ایدی: ساوادا آشیقلار تؤرهنی قورولدو.
سئوینجیم آنجاق نئچه ساعات دوام ائتدی. آخشام اینترنته باخاندا آشیق گونش وبلاگیندا آجی بیر خبر ائشیتدیم: کرجلی آشیق غیاث جباری دونیاسینی دگیشدی.
آیلاردیر بئینیمده اولان بیر راپورو حاضیرلاماغا وقت آییرابیلمیرم. اودا تهران اوستانینین آشیقلار و صنتکارلارینین بو گونکو دورومودور. تهران ولایتی بؤلونوب البرز ولایتی قورولاندان سونرا, دئدیم بو قونویو ایکی ولایته گؤره یازارام. آمما نه یازیق کی زمان مندن داها ایرهلی گئدیر. آشیق غیاثدا الیمیزدن گئتدی.کسین من دئدیگیم ایشی گؤرهبیلسمده ایش یاریمچیلیق قالاجاق.
تهران و البرز ولایتلری تورک کولتورو آچیسیندان یئرلی و زنگین بیر مدنیتینه صاحبدیرلر. شهریار، ساووجبولاغ، نظرآباد و گنلده اسکی تهران ولایتینین باتیسی تورک بؤلگهلردیر. یانی یئرلی اهالیسی تورکدورلر. آیریجا تهرانین گونئی و دوغوسوندا: ورامین، پیشوا(بئش اووا)، فیروزکوه و حتی سمنان ولایتی اوستونه اولان گرمسار(قیشلاق) دا دا چوخلو یئرلی تورک یئرلهشیم یئرلر وار. بو بؤلگه لر آشیقلیق صنتی باخیمیندان قوم- ساوا- همدان آشیق محیطینه باغلی دیرلار. بونلارا رغمن قید اولونان بؤلگهلرده کولتورل آراشدیرما اولدوقجا آزدیر. رحمتلیک غیاث جباری بو بؤلگهلرده تانینمیش بیر آشیق و اوزانیمیزایدی کی شاید یئری داها دولمایا. تانری یئرینی جنت ائتسین.
خبرین قایناغی: http://ozan2007.blogfa.com/
