قارا گونئی

هر ایل کیمی بو ایل (۱۳۸۸) مرغئی ده اوروجلوق آیی مراسیملری ایله بیرلیکده گلیب گئچدی و اوروجلوق بایرامی دا قوتلاندی. بو ایل منیم ایچین اوروجلوغون بیر فرقی واریدی و اودا ایلک ننه م سیز اوروجلوق آییمی گئچیرتدیگیم ایدی. اونون ایچین کنده گئتمگه ال آیاغیم یوخودو. فقط بیر ایکی گون گئده بیلدیم و بایرامی دا گئتمه دیم. کندلیلر ایچین ده بو ایل بیر فرقی واریدی و اودا بو ایل کنده موللانین گلمه سی ایدی. حاج آقا ودود بئوران کندیندن بو ایل تبلیغات اسلامی اداره سیندن تبلیغ ایچین مرغئیه گلمیشدی و الحق ده کندلی لرله درین ارتباط لار قورابیلمیشدی. من ده بیله سینی گوروب دانیشدیم و بیله سینه حکیم تیلیم خان دیوانین هدیه ائتدیم. احیا گئجه لری و عزیز گونلر (۱۹و ۲۱) مرغئی مچیدلرینده مراسم لر قورولدو: دعای افتتاح- جوشن کبیر و قوران باشا توتما و تورکجه سرود اوخوندو. بایرام گونو ده مراسم لر واریمیش کی من یوخودورم. عزیز گئجه لرده امام علی(ع) یاسیندا تورکجه نوحه اوخوندو و مرغئی لیلر بیرینجی امامیمیزا یاس توتدولار.احیا گئجه لریندن گورونتولر:

ایلگیلی لینک: http://www.hbayat.com/