قارا گونئی

آهنگ محلی ترکی "سنگک-مرغئی" در شانزدهمین جشنواره موسیقی محلی تولیدات مراکز استانها در قزوین درخشیده و از معصومی فر رئیس صدا و سیمای استان قزوین لوح تقدیر دریافت کرد.

این آهنگ را آشیق نصرت الله زرگر از فعالین فرهنگی منطقه شهریار استان تهران در جشنواره مذکور اجرا نمودند.

نصرت الله زرگر

لازم به ذکر است که آشیق گونش (علی رمضانی) نیز شعر زیر از اشعار حکیم تیلیم خان را در چهارمین گردهمایی حکیم تیلیم خان  با آهنگ مذکور(مرغئی هاواسی) در تاریخ  ۲۹/۴/۱۳۸۷  در روستای مرغئی ساوه اجرا نمودند:

سرحد ده حکومت ائدن

عقلی کم لر والی اولماز

داش دگسه قیزیل چاناغا

درجه سی عالی اولماز

نيصفه جامينان مست اوْلان

هرزه دامنه دست اوْلان

عاغلي کم­اينن دوست اوْلان

خجالت­دن خالي اوْلماز

هر بهارين قيشي واردير

هر ناخوشون هوشو واردير

بال ائده­نين نيشي واردير

هر مگسين بالي اوْلماز

سؤزونده کاميل اوْلمايان

چيگنه شماييل سالمايان

علي وصفيني بيلمه­ين

درويشين جلالي اوْلماز

تيليم, نامرد هم نشينين

پايه­سي اوْلماز ايشينين

عاغلي کم اوْلان کيشي­نين

هئچ مجليسه یولي اولماز

(حکیم تیلیم خان دیوانی - ۱ ص ۱۸۳)

آنامدان اويره­نيرم

بسله­مه­لري بيربير

نازلامالاري بيربير

اوخشامالاري بيربير

آنام مدنيتين

توكنمز منبعي دير

  (كيان خياو)

1-   ننه­م منه دئييردي: " سن اوشاق­ايكن سنه سوت وئرن وقت قاقاييي(بابانبن) بيردوستو منه دئدي: اوشاغا سوت وئرنده همّيشه دستيمازيي اولسون. اوننان سورا من دستيمازلو سنه سوت وئرديم". جمعه گونو 15/9/87 ده تئزدن قئيلان آستي (قاهوالتي)يئيه­ن زامان ننه­مه وئرديگيم بير ليوان سوت ياريمچيليق قالدي. او تكجه سوتون ياريسيني ايچه­بيلدي و سوتو ايچركن منيم قوجاغيمدا تانري رحمتينه قوووشدو.

2-   گئچن نئچه ايللرده آنامين ريه خسته­ليگي اولدوغونا گوره خسته­خانالارا گئتديكده اورانين آداملارينا ايلك تاپشيرديغيم سوز بو اولاردي: "ننه­م توركجه­دن باشقا بير ديل بيلمير. يا اونلا توركجه دانيشماليسينيز يا تورك امكداشلارينيزدان يارارلانماليسينيز". هرچند منيم بو ايسته­گيم بعضي­لري طرفيندن قارشيلانيب و بعضي­لرينيده قارشيليغا گتيريردي.

3-   ننه­مين اولوموندن سونرا، سيد حيدر بيات بئله يازدي: ننه اولور گلن ايل آنلامدان دوشور، تيليم خان آنلامدان دوشور. حسين حيدري ده ننه­لرين ياشاتمالاريني، ياشاماغا بويوك بهانه بيلدي. بعضي آذربايجان يازارلاري، قوم­دا ياشايان تيليم خان وورغونلاري، قاشقايي يازارلاري، خلج يازارلاري طرفيندن ده باش­ساغليغي گلدي كي هاميسينا تشككور بورجلويام.

4-   بو گون فوريه آيي­نين ايگيرمي بيري، اسفندين اوچو، آناديلي گونودور. هر ايل آناديلي اسفند آيي­نين ايكيسي اولدوغونا گوره، دونن­ده منيم ايچين نئچه قيسا مئساژ گلدي:" اسفندين 2سي (دونيا آناديلي) گونو موبارك. آناديلي ديللرين آناسي­دير". باشقا بير مئساژدا اورمودان گلدي: "سلام، دده كاتب دونياسين دگيشدي". بو خبر دونياليق آنا ديلي گونونده ان آجي خبر اولابيلريدي. دده كاتب اورمونون قولونجو كنديندن سوننو مذهبلي بير آشيق و دده اوزانيميزايدي. او دده تيليم­خانين بعضي قيفيل­بندارين آچاجاغيدي.  اونون اولومونو آذربايجانا باش ساغليغي وئريرم. يازيمين سونوندا دده كاتب­دن بير شعري تقديم ائديرم.

 اوستا قارداش گل من­ايله خوش اوتوراق اوز به اوز

                        شعريميزين سونلاريندا دوردجه ديلدن دانيشاق

                        نه عضودور اينسانلاردا هر شي اونونلا گورونر

                        عرب عين، فارسي چشم، كوردو چاو، توركو گوز

ايلگيلي يازيلار:

http://www.hbayat.azerblog.com/1387_09_17_Say=826.ay

http://www.qaraqanli.blogfa.com/post-20.aspx