کؤودرنگلی شاعیر عبدالرحیم اسماعیلی دن بیر شعر
شعری از حاج عبدالرحيم اسماعيلي كبودرآهنگي:
نولايدي سير-مه و سال قهقرايه دؤنئيدي
باشيمدا بو آغاران توٍكلريم قرايه دؤنئيدي
كهولت عالمي تبديل اولايدي فصل-شبابه
بو بينوا بدنيم بيرده بير نوايه دؤنئيدي
دوباره دن او دوٍشن ديشلريم گلئيدي دهانه
صدف كيمي دوٍزولوب لعل-پربهايه دؤنئيدي
بو سرو-قامتين اي كاش دؤنمهييدي كمانه
بو زرد گونهلريم سيب-سرخ سايه دؤنئيدي
نه يوٍز وئرئيدي بو جور ضعف و نحف و غصه وجوده
نه قلبمين ايشي پيوسته آه و وايه دؤنئيدي
چاتايدي فصل-زمستان رنج و محنه بهاره
نشاط قيلماغا عؤمروم شناسي پايه دؤنئيدي
زمان مكثي بو ناكامليقلارين قوتارايدي
ملال و غصه باشيمدان بسان-سايه دؤنئيدي
گئدئيدي ليله-نسيان گلئيدي روز-حواسيم
اوٍرك دريچه سي مرآت-پرجلايه دؤنئيدي
ائشيتديگيم دئديگيم داخي چيخمايايدي ياديمدان
قواي-مدركه سرحد-اعتلايه دؤنئيدي
نگار-طبع روان تر دماغ اولايدي هميشه
فضاي –علمده دل طايري همايه دؤنئيدي
كبد مرتب اولوب كليه ايشله يئيدي مرتب
امور-معده و اثني عشر قوايه دؤنئيدي
جوانليغيم قاييديب يبرده قدرتيم چوخالايدي
گئدن فنايه گئچن گوٍنلريم بقايه دؤنئيدي
توٍكندي غفلت ايلن عؤمر باشه چيخدي جوانليق
نولايدي بيرده پوزولموش چمن صفايه دؤنئيدي
عدو گؤزو كور اولوب گورميييدي روز-وباليم
جهاندا گوزلري عقبي كيمي عما يه دؤنئيدي
هزار حيف دونمز شَبابه عالم-پيري
مگر جهان فنا سير ائديب بقايه دؤنئيدي
چاتايدي بحري-نالان نولايدي اوج-كماله
سولان اوٍرك فرح ايلن چمنسرايه دؤنئيدي
سعادت ابديه اولايدي شامل-حالي
اؤلنده بلكه يئري جنت-عليايه دؤنئيدي
قایناق: ديوان بحري(بحرالأنين)- جلد دوم-نشر نويد اسلام-قم-تابستان 1378
