تورکجه ادبی، کولتورل، فولکلوریک و توپلومسال قونولاردا چالیشان وبلاگ

ف فرد گلدی قاف قورآنین آیه سی/ کاف کرم کانیدیر لام لوطف ایه سی***

قاف: ق*

کاف: ک*

لام: ل*

ایه: صاحب

 

 

+ نوشته شده در  چهارشنبه چهارم تیر 1393ساعت   توسط اسدالله امیری  | 

تیلیم شیکسته دیر قویما بودانسین/ باشدان باشا چولا ز و ل و ف tilim şikəstədir qoyma budansın/ başdan başa çola z vo l vo f
+ نوشته شده در  شنبه بیست و چهارم خرداد 1393ساعت   توسط اسدالله امیری  | 

قدیم زامانلاردا ساوا ماحالیندا تویلارا چاغریلانلاری شابالا داغیتماق ایله دعوت ائدردیلر. یانی بیر نفر توی صاحابی طرفیندن بیر تیکه قند آلیب دعوت اولونان شخصین ائوینه گئدیب او شخصی تویا دعوت ائلردی و قندیده دعوتلی یه وئرردی. (ایندیکی "کارت دعوت" یئرینه). شابالادان ایندی بیر دئییم (اصطلاح) قالیب: شابالا داغیتماق. بیری بیر سؤزو ساخلاماق یئرینه جار چکیب هامییا بیلدیرنده دییه رلر: "نمه؟ شابالا داغوتئره ی؟"(شابالا داغیتیرسان می؟)
+ نوشته شده در  شنبه دهم خرداد 1393ساعت   توسط اسدالله امیری  | 

درخواست پیش کسوت موسیقی عاشیقی استان مرکزی و قم از مسولین فرهنگی در سال اقتصاد و فرهنگ: عاشیقها را بیمه کنید
 
آشیق گونش(علی رمضانی) وبلاگی:

بؤیوک آللاهین آدیینان

 

اولور کی آشیقلاردا بیمه اولسون لار ؟؟؟

 بیز حؤرمتلی مسئول لاردان  دیله ییریک  بیزه یاردیم اولسونلار . بیزیم : تهران ، مرکزی ،

قوم ، البرز، استان لاری و بولگه لری نین موسیقی صنعتچی لری ( آشیق لار)   حمایت  

گونوموز گئچیر ودوشگون چاغی بیریئردن گلیر یوخوموز.

بوتون کارگر، بنّا ، راننده ، دامدار ، کشاورز، و........ بیمه اولوب لار . آشیق لارین چوخو 

 بو دَیَرلی مقامی ومحلی اصیل موسیقی صنعتینده امک لر چکدیلر  قوجالیب دونیادان

کوچدولر.آمما سوروشان اولمادی بو دَیَرلی  وحؤرمتلی اینسان  لاردونیادان کوچدولر گؤرک

عائله لری نئجه گون گئچیردیرلر؟

اولو تانریدان دیله ییریک اولارین روحلاری شاد ومزارلاری نورلو اولسون، قدیر آللاه کرم

کانی دیر عنایت واری گوناهلارین باغیشلار اینشاالله     

گئچن گئچیب  ، گله جه گی تک آللاه بیلیر نه اولاجاق ، حال حاضره بیر فیکر اولونسون  250

دَن آرتیق بیزیم هونرمند واریمیزکی جانلاریندا جان وقودرت وارکن چالیشیلارکی عائله لری

یانیندا اوتانماسینلار، شرمنده لیک چکمه سینلر. بیر واخت اولور داهی بیر یاندان جیسم یارلیق

ائیله میر، بیر یاندان گلیر یوخ ، بیر یانا چیخا بیلمیر مداخیل یوخ  گونده یوز یؤل آللاه دان اؤلوم

ایستر.جانیندا جان اولان زامان استریو لارا چالیب اؤخویوب  ایللره چه یین  اونون سی دی و

کاسئت لری ساتیلاجاق آمما عائله لری شاپالاقی نان اوزقیزاردیب گون گئچیردیرلر.ایندی بیز

حؤرمتلی و دَیرلی مسئول لاریمیزدان تقاضا واریمیزاَمربویورسونلارکی بوآشیقلارین چوخو

 ایللر بؤیو زحمت چکیب لر ایندی لاییق دیر آواره وسرگردان قالسینلار.

اینصاف دئئیل بولارآغیرگذرانلارگئچیردیرلرودوشگون چاغی بیراوزلرینه  باخاناولماسین؟

نئجه کی بو اسلامی جمهوریسینده هونر صاحابلارین تشویق وتقدیرائدیرلرآشیقلاردا بوجامعه

نین دیرلروآشیقلاردااؤز تورپاغلاری ووطنلری ، عار وناموسلارینی قوروماق اوچون شهید

وجانباز و..وئریبلروگنه دَه حاضیردیلار وطن یولوندا جاندان گئچسینلربوهونرمنلروصنعتچی

 اصیل موسیقی واشعارلار دان  بهره مند دیلروهر یئرده خصوصاً قشر جاوانی مبتذل موسیقی

 لردن منع ائدیرلرنئجه آللاها خوش گلیر محرومیت ده یاشاسینلاروَدَیرلی وباهالیصنعتلریندن

 حمایت اولونماسین؟ آشیقلاردا انتظار وارلاری جمهوری اسلامی نین  حؤرمتلی مسئوللاری

  عنایت بویورسینلارنئجه کی  دیگر هونرمندلره توجّه اولان  وحمایت ائدن کیمی  بولاردا

جمهوری اسلامی مهر وعطوفت لریندَن بهره مند اولسونلار.  

http://ozan2007.blogfa.com/
+ نوشته شده در  سه شنبه بیست و سوم اردیبهشت 1393ساعت   توسط اسدالله امیری  | 

قیزیل گوللر خندان اولور

آچیلاندا دان دان اولور

شیراز منه زیندان اولور

گئدن گلین گئدن گلین

+ نوشته شده در  جمعه نوزدهم اردیبهشت 1393ساعت   توسط اسدالله امیری  | 

ککلیگیم بسته ککلیک

اوخور قفسده ککلیک

اتی کاباب ائیلرم

یوللارام دوستا ککلیک

***

سو گلر اورغوم اورغوم

یار گلر یورغون یورغون

یوخدو یاریی ننه سی

دئیه آرمادیی اوغلوم

آرمادیی: یورولما معناسیندا، یولدان گله نه دئیه رلر

***

داغلاریی قاری منم

گون وورسا اریمنم

قبریم قوزئی ده قازیی

جوانام چؤرومنم

***

+ نوشته شده در  سه شنبه نهم اردیبهشت 1393ساعت   توسط اسدالله امیری  | 

قیزیم سنه دئییرم گلینیم سن ائشیت

آلتمیش دا ساز اؤرگنن گرک قیامتده چالا

گئده ره ی زرنده، تاماشادیر گلنده

یامان چوپان بیراخسا یامان ایه بیراخماز

چؤره گی وئر چؤرکچی یه بیر چؤرکده اوسته لیک

ایکی سو بیر چؤره گه کؤمک دی

بیر چؤرک آز یئگینن بیر نؤکر توت

یاغ گئدر یاغ اوسته یارما قالار قورو

چالما آغاج قاپیمی چاللام دمیر قاپی یی

قاپی هممیشه بیر گیجینگ اوستونه دولانماز

قورت کلله سی اوخویور

یاغیش آستوندان گیچدیم نوودان آستونا

قاراقانا گئدیره ی آیاق گؤتور، زرنده گئدیره ی چؤرک گؤتور

آغاج اؤز ایچیندن قورد سالار

گؤزل آغا گؤیچک ایدی ووردو چیچک ده چیخارتدی

بیرینی ائوه قویموردولار دئییردی سازیمی هاردان آسیم

+ نوشته شده در  یکشنبه سی و یکم فروردین 1393ساعت   توسط اسدالله امیری  | 

قدیم زمان توی اولاندا، تویدان قاباق کوره کن طرفیندن گلین ائوینه تانقا یوللاردیلار. یانی تویدا خرجلنن: اون، ات، اودون، یاغ، پوتا و بونلار کیمی زادلار آپاریلیردی و بونلارا تانقا/ تانخا دئییلیردی.
+ نوشته شده در  شنبه دهم اسفند 1392ساعت   توسط اسدالله امیری  | 

بویوک عاشیق مسیح الله رضایی دن اؤیرندیگیم فلسفی بیر دعا:

هئچ ایگیدین تاباغیندا چؤره گی بیر اولماسین، یئیه ر توکنیر یئمز آج قالار...

والله خیر حافظا و هو ارحم الراحمین

+ نوشته شده در  شنبه سوم اسفند 1392ساعت   توسط اسدالله امیری  | 

ای آقالار جان جسددن چیخاندا

قووم قارداش بیزی دئسین آغلاسین

قبریمی قازسینلار یول کیناریندا

گلیب گئدن دووا وئرسین آغلاسین

 

چون جوان اؤلورم عالملر بیلسین

دوستلاریم آغلاییب دوشمنلر گولسون

رفیقلریم قبریم اوستونه گلسین

قوجا جوان پیر و جوان آغلاسین

 

توی حناسین قویمامیشام الیمه

اجل خلعتینی سالدی بوینوما

نامامی یئتیرین منیم ائلیمه

ائل و طایفام فامیللریم آغلاسین

 

اوزاخلاشدی یار بیزیمنن آراسی

سینه مده سیزیلدار هیجران یاراسی

بیر درده دوشموشم یوخدور چاراسی

ارسطو افلاطون لقمان آغلاسین

 

یار الینه گئچیرتیدیم اللریم

اگم بوداغینی درم گوللرین

خبردار ائیله یین گنجه ائللرین

گنجه شوشه داغیستانلار آغلاسین

 

کرم دییه ر نکام گئتدیم دونیادان

لاچین لار تک زیندان اولدوم لووادا

نامامی یئتیرین آتام زییادا

آتام کیمی یوردو ویران آغلاسین

+ نوشته شده در  سه شنبه بیست و چهارم مرداد 1391ساعت   توسط اسدالله امیری  |