تورکجه ادبی، کولتورل، فولکلوریک و توپلومسال قونولاردا چالیشان وبلاگ
 شاه ایسماییل شیرازدا گولزار خانیما: 

(اوستاد عاشیق مسیح الله رضایی اوخودوغو واریانت دان، قوم- ساوا- همدان عاشیق موحیطی)

حامامنان چیخن ای گؤزل 

حامام سنه ساحات اولسون 

بیر بوسا وئر لبلرییدن 

حیساب ائیله زکات اولسون 

حامامنان چیخن ای مایا 

جمالیی اوخشاتدیم آیا 

سینه یی سینه مه دایا 

قوی شیرین جان راحات اولسون 

قیزیی آدی گولزاریدی 

مهر و محبت واریدی 

شاه ایسماییلیی یاریدی 

دوران بگلر شاهات ولسون

+ نوشته شده در  پنجشنبه سیزدهم فروردین ۱۳۹۴ساعت   توسط اسدالله امیری  | 

سیدالمرسلین نبیّ- اومّی 

بی معلم البت قاری سن قاری 

امر اولدو عنکبوت تارینی چکدی 

مزیّن ائیله دین غاری سن غاری 

 

ائیله میشم گئچه بیلمم خطا یم 

هر موجریمه الف سین اولور خط آیه م 

باغیشلا جورمومو صاحیب خطایم 

کورومه اوستومه قاری سن قاری 

 

دور ائیله مجلیسدن نافرمانی، دور 

بیلمیرم فرمانی نه فرمانی دور 

رفیقین ناجینسی نافرمانی دور 

چؤلده بیر فرهادکش قاری سن قاری 

 

او آشکار ائیله دی نه خوف ایله دین 

عدو لشگریندن نه خوف ائیله دین 

شب- معراج گؤردون نه خوف ائیله دین 

سمالر اوستونده قاری سن قاری 

 

کیمسه بیلمز فضیلتین شرحینی 

اؤز لفظ اینن ائشیتدیردین شرحینی 

ازبریدن دؤرد کیتابین شرحینی 

تیلیم دییه ر علی قار سن قاری 

منبع: حکیم تیلیم خان دیوانی(بیرینجی جیلد)، اسدالله امیری، انتشارات نوید اسلام، قم، 1386

+ نوشته شده در  شنبه بیستم دی ۱۳۹۳ساعت   توسط اسدالله امیری  | 

اوغلوم دئییر: بابا نه دن مردم زنگ وورمادیلار پلیسه، پلیس گله امام حوسئینین دوشمنلرین آپارا؟ گؤزلریم دولور. جوابینی نه وئره جگیمی بیلمیرم. بیر تورلو بیله سینی قانع ائتمگه چالیشیرام. اؤزوم عاشورا خاطیره لریمه دؤنورم. ایلک سؤز آتامدان یادیما دوشور: اسدالله منیم آدیمی عباس قویوب. بو بند شبیه شعرلرینین بیر بندی دیر، بیلمیرم هانسی نسخه دندیر: درگزین یوخسا ازبیزان یوخسا باشقا بیر نسخه دن. سونرا مرغئی ده، ساوادا، اورمیه ده، تهراندا قاتیلدیغیم هیئت لره دؤنورم. بعضی شعرلری آغلایا آغلایا زمزمه ائدیرم: سلیم موذن زاده دن، ای منی آواره قویان ابالفضل، داود علیزاده نین تهراندا چهارراه عباسی ده، انصارالحسین مچیدینده اوخشادیغی: قولسوز گؤروب عباسی گئدنلرده قاییتدی، مرغئی ده سسلندیگیمیز: گل حوسئن یاتدی ابالفضل عَلَمی- قوی گؤزوم اوسته مقدس قدمی. بیر آز دوشونورم، سونرا یئنه اوغلومون سورغوسونا چاتیرام: نیه مردم ...؟

+ نوشته شده در  دوشنبه دوازدهم آبان ۱۳۹۳ساعت   توسط اسدالله امیری  | 

دوستلارین بیری دئدی: فیلان ایش بیزیم عایله میزه دوشمز، بیز سینامیشیگ. دئدیم سینامیشیگ بیلیره ی یانی نمه؟ دئدی یوخ. بیله سینه سیناماق معنی سی امتحان ائله مک دی دئدیم. نئجه کی تیلیم خان دئییر: "بیر سینانمیش دٌرّم من" یا صمد وورغون دئییر: "سینامیشام دوستو یاری". بوردا بیر اینام مسأله سی وار بیرده کلمه مسأله سی کی بیرینی اؤرگندیم و بیریسینی ده اؤرگتدیم. 

+ نوشته شده در  یکشنبه سی ام شهریور ۱۳۹۳ساعت   توسط اسدالله امیری  | 

ف فرد گلدی قاف قورآنین آیه سی/ کاف کرم کانیدیر لام لوطف ایه سی***

قاف: ق*

کاف: ک*

لام: ل*

ایه: صاحب

 

 

+ نوشته شده در  چهارشنبه چهارم تیر ۱۳۹۳ساعت   توسط اسدالله امیری  | 

تیلیم شیکسته دیر قویما بودانسین/ باشدان باشا چولا ز و ل و ف tilim şikəstədir qoyma budansın/ başdan başa çola z vo l vo f
+ نوشته شده در  شنبه بیست و چهارم خرداد ۱۳۹۳ساعت   توسط اسدالله امیری  | 

قدیم زامانلاردا ساوا ماحالیندا تویلارا چاغریلانلاری شابالا داغیتماق ایله دعوت ائدردیلر. یانی بیر نفر توی صاحابی طرفیندن بیر تیکه قند آلیب دعوت اولونان شخصین ائوینه گئدیب او شخصی تویا دعوت ائلردی و قندیده دعوتلی یه وئرردی. (ایندیکی "کارت دعوت" یئرینه). شابالادان ایندی بیر دئییم (اصطلاح) قالیب: شابالا داغیتماق. بیری بیر سؤزو ساخلاماق یئرینه جار چکیب هامییا بیلدیرنده دییه رلر: "نمه؟ شابالا داغوتئره ی؟"(شابالا داغیتیرسان می؟)
+ نوشته شده در  شنبه دهم خرداد ۱۳۹۳ساعت   توسط اسدالله امیری  | 

درخواست پیش کسوت موسیقی عاشیقی استان مرکزی و قم از مسولین فرهنگی در سال اقتصاد و فرهنگ: عاشیقها را بیمه کنید
 
آشیق گونش(علی رمضانی) وبلاگی:

بؤیوک آللاهین آدیینان

 

اولور کی آشیقلاردا بیمه اولسون لار ؟؟؟

 بیز حؤرمتلی مسئول لاردان  دیله ییریک  بیزه یاردیم اولسونلار . بیزیم : تهران ، مرکزی ،

قوم ، البرز، استان لاری و بولگه لری نین موسیقی صنعتچی لری ( آشیق لار)   حمایت  

گونوموز گئچیر ودوشگون چاغی بیریئردن گلیر یوخوموز.

بوتون کارگر، بنّا ، راننده ، دامدار ، کشاورز، و........ بیمه اولوب لار . آشیق لارین چوخو 

 بو دَیَرلی مقامی ومحلی اصیل موسیقی صنعتینده امک لر چکدیلر  قوجالیب دونیادان

کوچدولر.آمما سوروشان اولمادی بو دَیَرلی  وحؤرمتلی اینسان  لاردونیادان کوچدولر گؤرک

عائله لری نئجه گون گئچیردیرلر؟

اولو تانریدان دیله ییریک اولارین روحلاری شاد ومزارلاری نورلو اولسون، قدیر آللاه کرم

کانی دیر عنایت واری گوناهلارین باغیشلار اینشاالله     

گئچن گئچیب  ، گله جه گی تک آللاه بیلیر نه اولاجاق ، حال حاضره بیر فیکر اولونسون  250

دَن آرتیق بیزیم هونرمند واریمیزکی جانلاریندا جان وقودرت وارکن چالیشیلارکی عائله لری

یانیندا اوتانماسینلار، شرمنده لیک چکمه سینلر. بیر واخت اولور داهی بیر یاندان جیسم یارلیق

ائیله میر، بیر یاندان گلیر یوخ ، بیر یانا چیخا بیلمیر مداخیل یوخ  گونده یوز یؤل آللاه دان اؤلوم

ایستر.جانیندا جان اولان زامان استریو لارا چالیب اؤخویوب  ایللره چه یین  اونون سی دی و

کاسئت لری ساتیلاجاق آمما عائله لری شاپالاقی نان اوزقیزاردیب گون گئچیردیرلر.ایندی بیز

حؤرمتلی و دَیرلی مسئول لاریمیزدان تقاضا واریمیزاَمربویورسونلارکی بوآشیقلارین چوخو

 ایللر بؤیو زحمت چکیب لر ایندی لاییق دیر آواره وسرگردان قالسینلار.

اینصاف دئئیل بولارآغیرگذرانلارگئچیردیرلرودوشگون چاغی بیراوزلرینه  باخاناولماسین؟

نئجه کی بو اسلامی جمهوریسینده هونر صاحابلارین تشویق وتقدیرائدیرلرآشیقلاردا بوجامعه

نین دیرلروآشیقلاردااؤز تورپاغلاری ووطنلری ، عار وناموسلارینی قوروماق اوچون شهید

وجانباز و..وئریبلروگنه دَه حاضیردیلار وطن یولوندا جاندان گئچسینلربوهونرمنلروصنعتچی

 اصیل موسیقی واشعارلار دان  بهره مند دیلروهر یئرده خصوصاً قشر جاوانی مبتذل موسیقی

 لردن منع ائدیرلرنئجه آللاها خوش گلیر محرومیت ده یاشاسینلاروَدَیرلی وباهالیصنعتلریندن

 حمایت اولونماسین؟ آشیقلاردا انتظار وارلاری جمهوری اسلامی نین  حؤرمتلی مسئوللاری

  عنایت بویورسینلارنئجه کی  دیگر هونرمندلره توجّه اولان  وحمایت ائدن کیمی  بولاردا

جمهوری اسلامی مهر وعطوفت لریندَن بهره مند اولسونلار.  

http://ozan2007.blogfa.com/
+ نوشته شده در  سه شنبه بیست و سوم اردیبهشت ۱۳۹۳ساعت   توسط اسدالله امیری  | 

قیزیل گوللر خندان اولور

آچیلاندا دان دان اولور

شیراز منه زیندان اولور

گئدن گلین گئدن گلین

+ نوشته شده در  جمعه نوزدهم اردیبهشت ۱۳۹۳ساعت   توسط اسدالله امیری  | 

ککلیگیم بسته ککلیک

اوخور قفسده ککلیک

اتی کاباب ائیلرم

یوللارام دوستا ککلیک

***

سو گلر اورغوم اورغوم

یار گلر یورغون یورغون

یوخدو یاریی ننه سی

دئیه آرمادیی اوغلوم

آرمادیی: یورولما معناسیندا، یولدان گله نه دئیه رلر

***

داغلاریی قاری منم

گون وورسا اریمنم

قبریم قوزئی ده قازیی

جوانام چؤرومنم

***

+ نوشته شده در  سه شنبه نهم اردیبهشت ۱۳۹۳ساعت   توسط اسدالله امیری  |